სოციალურ ქსელ „facebook“-ზე ცოტა ხნის წინ გავრცელდა ინფორმაცია, რომ 2 ივნისის აქციის 16 მონაწილე შინაგან საქმეთა სამინისტრომ კერძო სახლში გამართულ „ივენთზე“ აიყვანა და ნარკოლოგიურში შესამოწმებლად გადაიყვანა.
2 ივნისის მარიხუანას დეკრიმინალიზაციის მოთხოვნით აქცია მთავრობის კანცელარიასთან გაიმართა. როგორც „ნეტგაზეთთან“ საუბარში აქციის ერთ-ერთი ორგანიზატორი ლექსო მაჭავარიანი აცხადებდა, დაახლოებით 17:30 საათზე პოლიციის მიერ აყვანილი პირები ორთაჭალაში, შინაგან საქმეთა სამინისტროს შენობასთან პოლიციის მანქანებში ჰყავდათ და ელოდებოდნენ შემოწმებაზე გადაყვანას.
„არავინ ჰყავთ ნარკოლოგიურში შეყვანილი, პოლიციის მანქანებში ჰყავთ, აქ არის დაახლოებით 16-მდე გოგონა და ბიჭი, ახალგაზრდები არიან ყველანი, ძირითადად სერიალ „ჩემი ცოლის დაქალებზე“ მომუშავე გუნდია. ჰქონდათ ფართი და კერძო საკუთრებაში შევიდა პოლიცია“, - განუცხადა ლექსო მაჭავარიანმა გამოცემას.
No comments:
Post a Comment